今次同朋友黎咗呢間御名園食飯，見多款海鮮小菜都做緊優惠，非常抵食。
我地叫咗盅花膠燉響螺湯、脆香糯米釀雞翼、陳皮脆香燒鵝皇(例)、蜂蜜柚子脆蝦球、清蒸老虎斑同金銀蛋肉崧浸海帶苗。
呢到嘅餐前小食都幾特別，係坊間少見嘅海苔味果仁，除左花生，仲有蓮子、核桃、杏仁等，脆口得黎海苔味香濃。柚子蝦球大大粒，蜂蜜柚子醬加埋青檸，酸酸甜甜十分酸胃。
先上嘅燉湯非常足料，除咗有花膠同響螺，仲有瘦肉同雞等，非常清甜。糯米雞翼外皮炸得香脆，入面釀嘅糯米餡帶辣口感軟糯。
燒鵝皮脆肉嫩，肥瘦適中，每啖肉都充滿鵝香。至於老虎斑睇住師傅係魚缸撈出黎即叫即蒸，肉質實淨鮮嫩，食得出非常新鮮。
浸海帶苗唔係酒樓常見嘅菜式，海帶苗口感爽脆，同金銀蛋亦都非常夾。
食飽飽仲有送嘅是日糖水，今日就有蛋白杏仁茶同羅漢果木瓜雪耳，兩款都非常清潤。
。
。
御名園
大角咀大角咀道38號新九龍廣場1樓168-187號舖
。
。
Search